మారుతున్న జీవనవిధానం, ఒత్తిడి, ఆందోళన, దంపతుల మధ్య అవగాహనలేమి శృంగార సమస్యలను తెచ్చిపెడుతున్నాయి. ఇందులో శీఘ్రస్ఖలనం సమస్య ప్రధానమైనది. ఈ సమస్యతో బాధపడుతున్న వారి సంఖ్య నానాటికీ పెరుగుతోంది. శృంగారంలో పాల్గొన్న కొద్దిసేపటికే లేదా స్త్రీకి భావప్రాప్తి కలగకముందే వీర్యస్ఖలనం జరగటాన్ని శీఘ్రస్ఖలనంగా పేర్కొంటారు. శృంగారంలో ప్రారంభం నుంచి వీర్యస్ఖలనం అయ్యే వరకు పట్టే సమయం మూడు నిమిషాలలోపు ఉంటే శీఘ్రస్ఖలనం సమస్య ఉన్నట్లుగా భావించాలి. మారుతున్న ఆహారపు అలవాట్లు, జీవనవిధానం, పని ఒత్తిడి శృంగార జీవితంపై తీవ్రప్రభావాన్ని చూపుతోంది.
శీఘ్రస్ఖలనంతో బాధపడే వారి సంఖ్య రోజురోజుకి పెరిగిపోతుంది . శీఘ్రస్ఖలనం సమస్యతో బాధపడే వారు మానసిక ఆందోళనకు గురికావడం, ఆత్మవిశ్వాసం కోల్పోవడం, జీవిత భాగస్వామితో అనుబంధం దెబ్బతినడం జరుగుతోంది. ఇది క్రమేపీ భార్యాభర్తల మధ్య దూరాన్ని మరింత పెంచుతోంది. శీఘ్రస్ఖలనం సమస్యను నిర్లక్ష్యంచేస్తే అంగస్తంభన సమస్యకు దారితీసే అవకాశం కూడా ఉంది. కొంతమందిలో హస్తప్రయోగం చేసుకొన్నప్పుడు స్ఖలనం తొందరగా జరగదు. కానీ స్త్రీతో శృంగారంలో పాల్గొన్నప్పుడు స్ఖలనం త్వరగా అయిపోతూ ఉంటుంది. దీనికి కారణం మానసిక ఆందోళనే. మరికొంతమందిలో మద్యం సేవించినపుడు శీఘ్రస్ఖలనం సమస్య ఉండదు. కాని దీనికి అలవాటుపడితే సెక్స్ సామర్థ్యంపైన ప్రభావం పడుతుంది.
- కారణాలు:
శృంగారంలో ఎక్కువ రోజులు పాల్గొనకపోవడం, భాగస్వామి సహకారం సరిగ్గా లేకపోవడం కూడా సమస్య ఉత్పన్నం కావడానికి కారణమవుతుంది. యవ్వనంలో ఉన్నప్పుడు హస్తప్రయోగం చేసుకొనే సమయంలో ఎవరైనా వస్తారని, చూస్తారనే భయంతో తొందరగా చేయడం అలవాటుగా మారి అది స్ఖలన సమస్యకు దారితీస్తుంది. కొత్తగా పెళ్లయిన దంపతులు అప్పుడే పిల్లలు వద్దని అనుకుంటుంటారు. శృంగారంలో పాల్గొన్న సమయంలో గర్భం వస్తుందేమోనన్న భయంతో బయట స్కలనం చేయడానికి అలవాటుపడతారు. ఇది శీఘ్రస్ఖలనానికి దారితీసే అవకాశం ఉంది. మొదటిసారి శృంగారంలో పాల్గొన్నప్పుడు సాధారణంగానే తొందరగా స్ఖలనం అయిపోతుంది. రెండవసారైనా ఎక్కువసేపు పాల్గొనాలనే ఉద్దేశంతో, ఒకరకమైన ఆందోళనలో ఉంటారు. దీనివల్ల మరింత త్వరగా స్ఖలనం అయిపోతుంది. ఇది క్రమంగా సమస్యగా మారిపోతుంది. శీఘ్రస్ఖలన సమస్యలు ఉన్నవారికి హార్మోన్ల పరీక్షలు వ్యాధి నిర్ధారణ కోసం ఉపయోగపడతాయి.
- చికిత్స :
Tramadol(tramalgin) : oral analgesic for mild pain. It is atypical because it is similar to an opioid, is an agonist at the mu receptor, but also is similar to an anti-depressant in that it increases levels of serotonin and norepinephrine.
Clomipramine (Anafranil) : is sometimes prescribed to treat PE. One side effect of the drug can help delay ejaculatory response. The side effect is described by the Mayo Clinic as "Increased sexual ability, desire, drive, or performance.
మందులు వాడటంతో పాటు స్టాప్ అండ్ స్టార్ట్ టెక్నిక్, స్క్వీజ్ టెక్నిక్లను అనుసరించడం వల్ల ఉపయోగం ఉంటుంది.
స్టాప్ స్టార్ట్ టెక్నిక్‌లో భాగంగా వీర్యస్ఖలనం అయ్యే సమయంలో ఆగిపోవడం, కాసేపయ్యాక మరలా శృంగారంలో పాల్గొనడం చేయాలి. దీనివల్ల శీఘ్రస్ఖలనం సమస్యను అధిగమించవచ్చు.
స్క్వీజ్ టెక్నిక్ అంటే వీర్యస్ఖలనం అవుతుందని అనిపించగానే అంగం మొదటి భాగంలో లేదా చివరి భాగంలో కొన్ని సెకన్ల పాటు గట్టిగా నొక్కిపట్టి స్ఖలనాన్ని ఆపాలి. ఇలా రెండు, మూడు సార్లు చేసిన తరువాత వీర్యస్ఖలనం గావించాలి.
శృంగారంలో భార్య సహకారం తీసుకుంటే ఈ పద్ధతులను పాటించడం మరింత సులువవుతుంది. ఈ రెండు టెక్నిక్లను రెండు, మూడు నెలల పాటు ఆచరిస్తే శీఘ్రస్ఖలన సమస్యపై కొంత పట్టు సాధించవచ్చు. చాలా మంది హస్తప్రయోగం చేయడం వల్ల ఈ సమస్య వచ్చిందని అనుకుంటుంటారు. కానీ హస్తప్రయోగం వల్ల ఎలాంటి హాని జరగదు. శృంగార సమస్యలు కూడా ఉత్పన్నంకావు.
No comments:
Post a Comment