వెన్నునొప్పిలో వ్యాయామం కీలక పాత్ర పోషి స్తుంది. మామూలు సందర్భాలలో నొప్పి ఉన్న ప్పుడు శారీరక కదలికలు తగ్గుతాయి. దీని పర్య వసానంగా నడుము కండరాలు దృఢత్వాన్ని కోల్పోయి శక్తిహీనంగా మారుతాయి. కొద్దిపాటి పనికే కండరాలు సడలిపోయి నొప్పి బయలు దేరుతుంది.
దీనిని చక్కదిద్దాలంటే నడుము కండరాలు తిరిగి దృఢంగా, బలంగా తయారు కావాలి. అప్పుడు ఇవి అదురును, దెబ్బలనూ కాచుకుని, వెన్నుపామును కాపాడుతాయి. వ్యాయామాల వలన శరీరంలో ఎండార్ఫిన్స్‌ విడుదలై నొప్పిని సహజమైన రీతిలో తగ్గిస్తాయి. ఇంతేకాకుండా, వ్యాయామాల వల్ల మూడు ప్రయోజనాలు కలుగుతాయి.
1. శరీరంలో కదలికలు మెరుగుపడి కొయ్య బారినట్లు ఉండటమనేది తగ్గుతుంది. 2. కండరాల్లో దృఢత్వం, శక్తి సామర్థ్యాలు పెరుగుతాయి. 3. సాధారణ ఆరోగ్యం కూడా మెరుగుపడుతుంది.
చాలామంది వ్యాయామాలు చేయమనప్పుడు నొప్పి పెరిగినట్లుగా ఫిర్యాదు చేస్తుంటారు. ఇలా నొప్పి పెరగడమనేది సహజ పరిణామమే.
అయితే నొప్పి మరీ తీవ్రంగా ఉంటే మాత్రం వ్యాయామాలు అల్పస్థాయిలో మొదలెట్టి క్రమంగా మోతాదు పెంచుకుంటూ వెళ్లాలి.
అంతేకాని, నొప్పి వస్తున్నదనే కారణంతో మానేయకూడదు. వ్యాయామ సమయంలో జనించే నొప్పికి ఐస్‌క్యూబ్స్‌ను, హాట్‌వాటర్‌ బ్యాగ్‌లను మార్చి మార్చి ప్రయోగించవచ్చు.
నడుము నొప్పిలో ఉపకరించే వ్యాయామా లను మూడు విధాలుగా వర్గీకరించవచ్చు. అవి- శరీరాన్ని సాగదీస్తూ చేసే వ్యాయా మాలు (స్ట్రెచింగ్‌ ఎక్సర్‌సైజెస్‌) కండరాలను స్థిరంగా, శక్తివంతంగా చేసే వ్యాయామాలు (స్టెబి లైజింగ్‌ ఎక్సర్‌సైజెస్‌) సాధారణఆరోగ్యాన్ని మెరు గుపరిచే వ్యాయామాలు (జనరల్‌ ఎక్సర్‌సైజెస్‌) శరీరంలో కేవలం నడుము నొప్పే కాకుండా ఇతర జాయింట్ల నొప్పులున్న వారు కూడా ఈ తరహా వ్యాయామాలను చేయవచ్చు. కాకపోతే ఏది చేయాలి? ఏది చేయకూదనే విషయాన్ని వైద్యులను అడిగి తెలుసుకోవాలి.
వెన్ను నొప్పిని తీవ్రతరం చేసే అంశాలు:
ఒక మనిషి ఉన్నట్లుగా మరొక మనిషి ఉండడు. గుణగణాలనుంచి శారీరక లక్షణాల వరకూ అన్నిటిలోనూ తేడాలు ఉంటాయి. దీనినే ఆయుర్వేదం శారీరక ప్రకృతి అంటుంది. ఒక్కొక్క శారీరక ప్రకృతికి ఒక్కొక్క అంశం ఉత్ప్రేరకంగా పని చేస్తుంది. ఏ మనిషిది ఏ ప్రకృతి అనేది నిర్ణయించడానికి అష్టస్థాన పరీక్షలు తోడ్పడుతాయి. నాడి, ఆకృతి, నాలుక, స్పర్శ వంటి ఎనిమిది రకాల పరీక్షలను అష్టస్థాన పరీక్షలంటారు. వీటిని ఆధారం చేసుకుని చికిత్సను సూచించాల్సి ఉంటుంది. మనందరిలోనూ కొన్ని సామాన్య లక్షణాలున్న ట్లుగానే కొన్ని సామాన్య వ్యాధి కారకాలు కూడా ఉంటాయి. నడుము నొప్పిని కలిగించే సామాన్య హేతువులను తెలుసుకుందాం.
ఒకే భంగిమలో ఎక్కువసేపు కూర్చోవడం:
ప్రస్తుత కాలంలో కంప్యూటర్‌ వాడకం అనివార్య మైపోయింది. అలాగే ఒకే భంగిమలో గంటల తరబడి కూర్చుని పని చేయాల్సిన వృత్తులు కూడా ఎక్కువైపోతున్నాయి. కుర్చీలో ఒంగిపోయి లేదా చేరగిలపడి పని చేసే వారిలో వెన్ను నొప్పి వచ్చే అవకాశాలు ఎక్కువ. సరైన భంగిమలో కూర్చోవటం అలవర్చుకుంటే నడుము నొప్పి బాధించదు.
వాహనాలు సరిగ్గా నడపకపోవడం:
వాహనాలు మన జీవితంలో నిత్యావసరాలైపో యాయి. నేటి కాలంలో నడుము నొప్పికి దారి తీసే అతి పెద్ద కారణం వాహనాలను సక్రమంగా నడిపించక పోవడమే. వాహనం సీటును, స్టీరింగ్‌ లేదా హ్యాండిల్‌ ఎత్తుకు సరిపోయే విధంగా అమర్చు కోవడం ముఖ్యం. అవసరమైతే సీటుమీద మరొక కుషన్‌ వేసుకుని సరైన ఎత్తుకు చేరుకోవచ్చు. కారులాంటి నాలుగు చక్రాల వాహనాలు నడిపే వారైతే నడుము వంపునకు అనుగుణంగా సీటు ఆకృతిని మార్చుకోవాలి. సీటును మార్చడం కుదరకపోతే ఏదైనా బట్టను చుట్టి నడుము వంపు దగ్గర అమర్చు కున్నా సరిపోతుంది. మార్కెట్‌లో వీపు ఆకృతికి అనుగుణంగా తయారు చేసిన కుషన్లు దొరు కుతున్నాయి. వాటిని వాడుకోవచ్చు. దూర ప్రయాణాలు చేసేవారు ప్రతి గంటకూ ఐదేసి నిముషాల విరామం తీసుకోవాలి.
అలవి కాని బరువులను లేపడం:
సాధ్యమైనంత వరకూ అధిక బరువులను లేపకూడదు. ఒకవేళ లేపాల్సి వస్తే బరువును శరీరానికి దగ్గరగా ఉంచుకుని మోకాళ్లు వంచి లేపాలి. బరువులను ఎత్తేప్పుడు పాదాలను ఎడంగా ఉంచడం మర్చిపోకూడదు.
ముందుకు వంగి పని చేయడం:
బట్టలు ఉతకడం, అంట్లు తోమడం, కుట్టు మిషన్‌పై పని చేయడం, మట్టి తవ్వడం వంటివి చేయాల్సి వచ్చినప్పుడు తప్పనిసరిగా ముందుకు వంగాల్సి వస్తుంది. ఇలా ముందుకు వంగి పని చేసే వారిలో చాలామందికి నడుము నొప్పి వస్తుంది. వృత్తి రీత్యా చేయాల్సి వచ్చే ఇటువంటి రోజువారీ పనులను కొద్దిపాటి మార్పులు, చేర్పులతో చేసుకుంటే నడుము నొప్పి బాధించదు.
No comments:
Post a Comment